Në një ngjarje të tronditshme në Shkodër, një 48-vjeçar dyshohet se ka tentuar të vrasë ish-vjehrërin e tij duke përplasur me automjet biçikletën me të cilën ai po lëvizte në korsinë e dedikuar për biçikleta. Pas ngjarjes, shtetasit E. Ç. u arrestua në flagrancë nga specialistët për Hetimin e Krimeve të Komisariatit të Policisë Shkodër.
Në përfundim të veprimeve hetimore, E. Ç. është akuzuar për veprën penale “Vrasja me paramendim”, mbetur në tentativë. Ngjarja ndodhi më datë 02.03.2024 në rrugën “Marin Biçikemi”. Motivacioni i dyshuar për këtë akt të dhunshëm dyshohet të ketë të bëjë me motive të dobëta.
Ish-vjehri, shtetasi A. U., është jashtë rrezikut për jetën, por automjeti i shtetasit E. Ç. është sekuestruar si provë materiale dhe është në disponim të Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme.
