Liam Osmani, i njohur si pjesëmarrës në ‘Big Brother Vip 3’, është arrestuar brenda shtëpisë së tij të vëzhguar në Shqipëri nga Forcat e Posaçme për Operacionet Speciale dhe Kërkimin. Arrestimi është bërë në zbatim të një vendimi penal të datës 23.02.2022, ku ai është dënuar me 2 vjet e 6 muaj burg për veprën penale “Mashtrimi”.
Sipas njoftimit të Policisë, Liam Osmani, 44 vjeç, kishte përvetësuar 17 bileta turistike për në Gjermani në vitin 2019 duke mos kryer pagesat përkatëse. Materialet e arrestimit janë dërguar te Prokuroria pranë Gjykatës Shkallës së Parë të Juridiksionit të Përgjithshëm Tiranë për veprime të mëtejshme procedurale.
Njoftimi i Policisë:
Strukturat e Forcës së Posaçme për Operacionet Speciale dhe Kërkimin bënë ndalimin e shtetasit Liam Osmani, 44 vjeç, teksa ai ndodhej në shtëpinë e Big Brother Albania Vip 3.
Prokuroria e Tiranës, më datë 09.05.2022, ka dërguar urdhërin për ekzekutimin e vendimit penal të datës 23.02.2022, për dënimin e këtij shtetasi me 2 vjet e 6 muaj burgim për veprën penale “Mashtrimi”.
Ky shtetas, në vitin 2019, nëpërmjet mashtrimit, ka përvetësuar 17 bileta turistike për në Gjermani, për të cilat nuk ka kryer pagesat përkatëse.
Materialet i kaluan Prokurorisë pranë Gjykatës Shkallës së Parë të Juridiksionit të Përgjithshëm Tiranë, për veprime të mëtejshme procedurale.
