Vrasja e Pëllumb Metës para një muaji ka shkaktuar dilema të mëdha. Tre fëmijët e tij janë vendosur në pranga për akuzat e vrasjes dhe fshehjes së trupit. Motra e të ndjerit akuzon bashkëshorten e tij, por ngrihen dyshime për përfshirjen e një personi tjetër jashtë familjes. Ish-drejtuesi i Policisë së Shtetit, Arjan Hoxha, dhe ish-prokurorja Elisabeta Imeraj, shprehin se uniteti dhe solidariteti i fëmijëve në veprimet e tyre sugjerojnë se një person i tretë nuk ka qenë i përfshirë në ngjarje.

Arjan Hoxha:

Duke parë që ata janë unison në veprimet e tyre brenda familjes, nuk besoj se ka qenë e domosdoshme prania e një personi tjetër jashtë familjes, sepse veprimet e tyre para gjatë dhe pas kryerjes së veprës penale thuaj se pavarësisht ndryshimeve të dëshmive është një cikël i mbyllur mes tyre në aspektin e zbardhjes ose hedhjes dritë mbi autorin dhe motivin. Unë kam pak dyshime në përfshirjen e një personi tjetër jashtë familjes. Duke parë veprimet që kanë kryer, alibinë që do ngrënë nuk besoj se është e nevojshme prania e një personi tjetër.

Elisabeta Imeraj:

Edhe unë besoj se nuk ka qenë e domosdoshme prania e një personi tjetër. Uniteti në të cilën dalin në veprimet e tyre, solidariteti që kanë në mbrojtjen e tezës, pavarësisht se njëherë prezantojnë fejesën, njëherë dhunën…arsyet janë të ndryshme. Por brenda veprimeve të tyre nuk ka një person tjetër. Do ishte e pamundur që të 4 familjarët do bëheshin bashkë për të mbrojtur një tjetër person jashtë familjes së tyre.