Eksperti ka ngritur një propozim kontroversial duke theksuar se fëmijët në rastet penale nuk duhet të arrestoheshin, por duhej të monitoroheshin ose provokoheshin nga policia për të zbuluar komunikimet e tyre. Ai argumentoi se kjo mundësi do t’i ndihmonte autoritetet të zbulojnë autoren dhe dinamikën e një ngjarjeje përmes analizës së diskutimeve mbi mbrojtjen dhe identitetin e autorit.

“Duke i mbajtur nën përgjim, mund të zbulonin kush është autori, përmes diskutimeve. Ata do diskutonin mbi mbrojtjen që do bënin, mbi autorin që do i linin fajin dhe si do maskoheshin”, u shpreh ai duke folur për një emision televiziv.

Eksperti theksoi se nëse fëmijët ndodhen në paraburgim, ata rrezikojnë nga hakmarrjet e mundshme nga të burgosurit e tjerë. Në këtë kontekst, ai propozoi që policia t’i mbajë ata në ambiente më të veçanta dhe të izoluara nga të burgosurit e tjerë. Ai shprehu shqetësimin se ndonjë nga të burgosurit mund të ndërmarrë akte dhune ndaj këtyre personave dhe theksoi nevojën për një trajtim veçmas dhe kufizim të kontakteve me të burgosurit e tjerë për ata me probleme të tilla.

“Nuk përjashtohet mundësia që dikush nga të burgosurit e tjerë të ndërmarrë ndonjë akt dhune apo dhe më tej, kundër këtyre personave. Të paraburgosur, apo burgosur me një problematikë të tillë, duhet bërë një trajtim veçmas dhe mbajte e kufizuar në kontakte me të burgosurit e tjerë”, u shpreh ai.