Kreu i SPAK, Altin Dumani, në një deklaratë të fortë gjatë takimit të parë të nismës së re të dialogut mes institucioneve dhe aktorëve të politikës, “IDM Morning Briefing”, shprehet se krimi i organizuar ka kërcënuar familjen e një prokurori.

Ai thekson se prokurorët janë të përgatitur për të përballuar të gjitha këto situata.

“Më shqetëson kërcënimi nga krimi i organizuar, jo kërcënimi nga politika. Ne kemi bërë llogari edhe që mos kthehemi, sepse kjo është detyra jonë të hetojmë. Prokurorët janë imunë, janë të gjithë të përgatitur që t’i përballojnë këto situata, por në fund të fundit e kemi zgjedhur vetë këtë detyrë,” tha ai.