Mbledhja e Komisionit Hetimor për koncesionet në Shëndetësi, Check up dhe Sterilizimi nisi me debate të ashpra mes kryetares së opozitës, Albana Vokshi, dhe nënkryetarit Plarent Ndreca.

Vokshi akuzoi se koncesionet ishin abuzive, ndërsa Ndreca kërkoi që të respektohet Kushtetuta dhe të mos paragjykohen veprimet.

Diskutimi u përshkallëzua me shkëmbimin e fjalëve të forta mes tyre, derisa Ndreca kërkoi që të ndërpreret mbledhja.

Vokshi: Shihet si një mjet për të nxjerr në pah situatën ku ndodhet sektori shëndetësisë. Situata sipas denoncimeve është e rënduar me mungesa në barna, kura, pa mundësi për të bërë dhe analiza e ndërhyrje kirurgjikale në disa raste. Shqiptarët paguajnë rreth 60% të shërbimit shëndetësor nga xhepi. Po i them se shqiptarët nuk po e marrin më shërbimin shëndetësor në publik, nuk mundet ta marrin për shkak të 4 koncesioneve që janë dhënë dhe janë kthyer në gropa të zeza. Arrijnë vlerën 200 mln euro, nëse i referohemi dy kontratave të firmosura.

Ndreca: Të ikim ne dhe vazhdoni konferencën. Të ikim ne

Vokshi: Të lutem mbylle. Nëse do ta nisni kështu…

Ndreca: A jemi mbledhur për të konstituar.

Vokshi: Po shpjegoj për publikun ca është ky komision, pse është mbledhur dhe çfarë të trajtojë. Mos u shqetësoni

Ndreca: Nuk shqetësohem, t’i mund ta bësh çdo herë.

Vokshi: Mos më ndërhyni pa filluar mirë komisioni. Po informoj ca është dhe do kaloj direkt te rendi i ditës.

Vokshi: Vlera e dy koncesioneve kalon 200 mln euro. Si nga check up dhe sterilizimi, nga gjithë qytetarët, ekspertët është dëshmuar se kanë qenë të panevojshme dhe abuzuese. Është korrupsion në nivelet më të larta të qeverisë. Uroj të mos bëheni mburojë e këtij korrupsioni dhe të përdorini kartonët tuaj kundër interesit publik.

Në anën tjetër, Vokshi vijoi të akuzonte për korrupsion në nivelet më të larta të qeverisë. Lista e anëtarëve të komisionit përfshin emra nga partitë politike të ndryshme, duke përfshirë edhe zëvendësuesit.

Anëtarët e Komisionit Hetimor për PPP në Shëndetësi
1- Albana Vokshi Kryetar PD
2- Plarent Ndreca Nënkryetar PS
3- Klodiana Spahiu Anëtar PS
4- Milva Ekonomi Anëtar PS
5- Ilirjan Pendavinji Anëtar PS
6- Ilir Metaj Anëtar PS
7- Edona Bilali Anëtar PS
8- Petro Koçi Anëtar PS
9-Klevis Xhoxhi Anëtar PS
10- Zheni Gjergji Anëtar Rithemelimi
11- Ina Zhupa Anëtar Rithemelimi
12- Edmond Spaho Anëtar Rithemelimi
13- Saimir Korreshi Anëtar Rithemelimi
14- Xhelal Mziu Anëtar Rithemelimi
15- Petrit Vasili Anëtar Rithemelimi

Anëtarët Zëvendësues
1- Lavdrim Krashi Anëtar zëvendësues PS
2- Mirela Pitushi Anëtar zëvendësues PS
3- Emilia Koliqi Anëtar zëvendësues Rithemelimi
4- Ilda Dhori Anëtar zëvendësues Rithemelimi