Efektivi i policisë, Admir Okaj, 49 vjeç, është dhunuar mesditën e sotme në afërsi të banesës së tij në zonën e Zdrales.

Burime thanë se gjatë një konflikti të çastit, për motive të dobëta efektivi është goditur në kokë nga Ormir Gucia, 47 vjeç, fqinj me policin.

Gjatë konfliktit, policia njofton se është shkrepur arma e efektivit, por fatmirësisht nuk ka pasur persona të plagosur.

Në lidhje me ngjarjen, po kryen veprime edhe Agjencia e Mbikëqyrjes Policore për të përcaktuar në detaje se si ka ndodhur shkrehja e armës.

47-vjeçari është vetëdorëzuar në polici. Efektivi i policisë ndodhet jashtë rrezikut për jetën dhe pasi ka marrë mjekim në kokë në spitalin e Shkodrës, ka dhënë dëshmi në policinë e Shkodrës.

Okaj ka shërbyer për shumë vite me forcat e FNSH në Shkodër, ndërsa prej disa kohësh shërben në qarkun e Elbasanit. Në momentin kur ka ndodhur konflikti, ai nuk ka qenë në shërbim.

Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes.