Një incident i rëndë ka tronditur qytetin e Beratit, pasi një kamarier 17-vjeçar është rrahur brutalisht nga tre adoleshentë 16-vjeçarë në një piceri të qytetit.

Ngjarja shokuese ndodhi në orët e vona të natës në qendër të qytetit, kur një konflikt mes kamarierit dhe grupit të adoleshentëve shkoi jashtë kontrollit.

Autorët e ngjarjes vazhdojnë të jenë në kërkim, ndërsa policia ka ndërmarrë hapa për zbardhjen e identitetit të tyre përmes kamerave të sigurisë. Kamarieri është transportuar në spital, ndërsa hetimet për të gjetur arsyet e konfliktit po vazhdojnë.