Zbardhet dëshmia e drejtorit të Agjencisë Shtetërore të Kadastrës, Bilbil Aliaj, para Gjykatës së Posaçme:

“Unë nuk kam pasur asnjë kontakt ose njohje me investitorin Artan Gaçi, as me persona të tjerë të lidhur me të. Asnjë sugjerim, udhëzim apo ndërhyrje nuk është bërë lidhur me këtë çështje, përfshirë edhe Jorgo Goron. Një praktikë më është dorëzuar si titullar, e përpiluar nga punonjësit përkatës, si zakonisht në raste të tilla, ku janë ekspertët dhe stafi përpilues, dhe e kam firmosur si titullar. Unë kërkoj masat më të buta të sigurisë, si detyrim për paraqitje.”

Sipas SPAK, kreu i Kadastrës së Vlorës, Bilbil Aliaj, dhe juristi Vezir Gjikoka “kanë pranuar dokumentacionin ligjor dhe kanë lëshuar një vërtetim nga dokumentat hipotekorë, duke kryer regjistrimin fillestar të tokës në favor të Foto Mehilli dhe më pas të trashëgimtarëve të tij.”