Futbolli algjerian përjetoi një tragjedi të thellë pas vdekjes së Uassim Jazzar, një futbollisti i cili nuk mundi të mbijetonte pas një goditjeje të rëndë gjatë një ndeshjeje.

Në një ndeshje të moshave, Jazzar u godit në abdomen nga një mbrojtës kundërshtar, duke pësuar një përplasje të rëndë edhe me kokë në fushë. Kjo goditje ishte e vdekshme për të rinin e vetëm 17-vjeçar.

Mediat raportojnë se në stadium nuk kishte asnjë autoambulancë dhe as mjek, çka e bëri situatën edhe më tragjike. Për fat të keq, ndërkohë që u transportua me një makinë të rastit në spital, Jazzar nuk mundi të fitonte betejën më të rëndësishme në jetën e tij.

Kjo ngjarje ka tronditur botën e futbollit në Algjeri dhe jashtë saj, duke sjellë shqetësime për sigurinë dhe mungesën e kushteve të nevojshme për ndihmë në rast të aksidenteve në fushën e lojës.