Gjykata e Apelit ka mbajtur në fuqi vendimin e Gjykatës së Shkallës së Parë të Beratit për Natashën Rombulën dhe djalin e saj, Armando Kumarakun, të cilët akuzohen për kryerjen e veprës penale “Keqtrajtimi i të miturit” në bashkëpunim.

Djali i mitur shfrytëzohet nga babai i tij A. Kumaraku dhe gjyshja Natasha Rombulla për të përfituar para në TikTok, duke postuar video ku duket 10-vjeçari që fliste me fjalë banale dhe denigruese.

Gjykata e Shkallës së Parë e Juridiksionit të Përgjithshëm në Berat ka vlerësuar se ndalimi dhe masa e sigurisë “arrest në burg” janë të justifikuara për shtetasit nën hetim me inicialet A.K dhe N.R, të dyshuar për veprën penale “Keqtrajtimi i të miturit” kryer në bashkëpunim, siç parashikohet nga nenet 124/b dhe 22 të Kodit Penal.