Një 52-vjeçar shqiptar humbi jetën në Itali pasi një ngarkesë me materiale elektrike, peshë rreth një ton, u shkëput nga vinçi ku ishte ngarkuar dhe e zuri poshtë.

Nazmi Morina, baba i 4 fëmijëve, punonte në kantierin e shtëpisë së moshuarve Orzivecchi në orën 17:30.

Ai ishte punonjës i Aurora Costruzioni të Orzinuovit dhe po merrej me shkarkimin e disa materialeve energjitike të ngarkuara në vinç për rikonstruktimit të sistemit elektrik në shtëpinë e të moshuarve.

Ndërsa shkarkonte, rripat që mbanin ngarkesën u shkëputën dhe ajo rënie e shkaktroi vdekjen e tij.

Trupi i tij u gjet nga një koleg i tij, duke nisur hetimet për vrasje nga pakujdesia.

Gjithashtu, zona e kantierit dhe materialet e ngarkuara janë nën sekuestrim.

Nazmi Morina, me origjinë nga Kosova, jetonte në Itali prej afro 20 vitesh dhe kishte një familje të madhe në qytetin e Breshias, ku kishte krijuar një të ardhme.