Presidenti rus Vladimir Putin ka deklaruar se avionët luftarakë F-16 që janë përdorur nga Ukraina kundër Rusisë do të goditeshin nga forcat e Moskës edhe nëse do të ishin në fushat ajrore të NATO-s.

Nëse ato përdoren nga aeroportet e vendeve të treta, ata do të jenë një objektiv legjitim për ne: pavarësisht se ku janë ata”, tha Putin në një takim me pilotët e Forcave Ajrore ruse në rajonin perëndimor Tver.

Presidenti rus më tej paralajmëroi se Rusia do të marrë parasysh faktin se avionët  F-16 mund të mbajnë armë bërthamore ndërsa i quajti “të pakuptimta” akuzat se Rusia po planifikon të pushtojë Evropën.

Sa i përket akuzës se ne po planifikojmë të pushtojmë Evropën pas Ukrainës, ky është absurditet i plotë që synon vetëm të frikësojë popullsinë që të paguajë më shumë para”.

Nga ana tjetër Kancelari gjerman Olaf Scholz përsëriti se nuk do të furnizojë me raketa me rreze të gjatë Taurus Kievin, si edhe theksoi se nuk ka asnjë plan për të dërguar trupa gjermane në Ukrainë.

“Pa paragjykuar mbështetjen tonë të vendosur për Ukrainën, një gjë është e rëndësishme për mua, ne do të bëjmë më të mirën. Më të mirën tonë për të shmangur një përshkallëzim të kësaj lufte, domethënë një luftë midis Rusisë dhe NATO-s”, tha Scholz në një intervistë për gazetën gjermane Markische.