Hetuesit gjermanë raportojnë se kanë në dispozicion një letër elektronike që pohohet të jetë e njërit prej autorëve të dyshuar të vrasjes së ish-boksierit shqiptar Besar Nimani.

Letra përshkruan ngjarjen si një akt vrasjeje të kryer nga frika, duke pretenduar se viktimi kishte kërcënuar autorin më parë. Ndërkohë, policia vijon hetimet për të zbardhur motivin dhe përparimin e rastit.

raportohet se 33-vjeçari Ayman Krit pranon vrasjen e 38-vjeçarit. Grupi hetimor që po punon për të zbardhur vrasjen e ish-boksierit nga Kosova, e disponon këtë letër në email. Në të, personi në fjalë deklaron se ai ishte që e qëlloi për vdekje Nimanin, nga frika.

Ai po ashtu pretendon se është rrahur 3 herë nga boksieri 2 vjet më parë në Bielefeld, e se Nimani e kishte kërcënuar disa herë me jetë. Ky pretendim konsiderohet absurd nga vëllai i viktimës. Ndërkohë grupi hetimor nuk ka pranuar të komentojë nëse ky email është autentik ose jo.

Hetuesit gjermanë kanë shpallur në kërkim për ngjarjen e rëndë 2 persona, Ayman Dawoud Kirit dhe Hüseyin Akkurt, të dy 33 vjeç.

Më herët, në një reagim për mediat gjermane, vëllai i boksierit deklaroi se Besari ishte konfliktuar në të shkuarën me një grup kurdësh dhe se ata u hakmorën duke i marrë jetën.