Mbrëmjen e djeshme në Athinë ndodhi një ngjarje e tmerrshme ku një 28-vjeçare u sulmua me thikë dhe humbi jetën jashtë një komisariati nga ish-partneri i saj. Sipas mediave greke, ajo kishte shkuar për të raportuar partnerin e saj, kur ai u shfaq papritur dhe nisi ta sulmonte me thikë.
E reja u afrua deri në derën e komisariatit e gjakosur, duke u konstatuar vdekja e saj më pas. Autori i këtij akti të tmerrshëm, ka tentuar edhe vetëvrasjen duke u goditur me thikë. Ai është transportuar në spital dhe aktualisht është nën kujdesin e mjekëve. Situata ka shkaktuar tronditje të mëdha në opinionin publik dhe ka ngritur njëherësh edhe debatet për masat e nevojshme për parandalimin e dhunës në marrëdhëniet personale.
