Një 30-vjeçar është arrestuar nga Policia e Lushnjës pasi akuzohet për vjedhjen e stekave të cigareve në një supermarket.

Pas njoftimit të pranuar nga salla operative se në orët e hershme të mëngjesit, një person i paidentifikuar ishte futur nga dritarja në një supermarket dhe kishte kryer vjedhjen e disa stekave të cigareve, forcat e Komisariatit të Lushnjës filluan hetimet për identifikimin dhe kapjen e autorit.

Specialistët për Hetimin e Krimeve të Komisariatit Lushnjë arritën të identifikojnë dhe më pas të arrestojnë në flagrancë shtetasin D. Y., 30 vjeç, banues në Lushnjë, i cili ishte dënuar më parë për vjedhje. Ky individ dyshohet të ketë vjedhur 5 steka cigare në supermarket. Materialet procedurale u dorëzuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.