Natalia Bayona, drejtuesja e organizatës Botërore të Turizmit, zgjodhi të vishet me kostum tradicional shqiptar, xhubleta, për të promovuar investimet në Shqipëri.

“Xhubleta është një veshje tradicionale shqiptare, e përdorur në ceremoni të rëndësishme si fejesa dhe dasma. Duke promovuar investimet, mendova se do të ishte simbolike të vishja këtë kostum tradicional që e adhuroj. Investimet në biznese të vogla janë thelbësore për zhvillimin e vendit,” – deklaroi Bayona.

Ajo vuri theksin në disa arsye të cilat e bëjnë Shqipërinë një destinacion tërheqës për investime.

“Shqipëria ofron një klimë liberale për bizneset, 100% të drejtë pronësie, dhe ligje të favorshme për sektorin e turizmit dhe investimet strategjike. Në sektorë si aeroportet, portet, marinat dhe infrastruktura, ka shumë mundësi për investim. Politikat inovative të vendit, përfshirë ligjin për investime strategjike dhe për inovacionin, kanë ndihmuar në rritjen e numrit të turistëve dhe zhvillimin e sektorit të turizmit,” – shtoi ajo.

Bayona theksoi se performanca e rritjes së objekteve turistike dhe numri i vizitorëve flasin për veten e tyre, duke bërë Shqipërinë një destinacion tërheqës për investime në turizëm.

“Shqipëria ka një rritje impresionuese në sektorin e turizmit, duke shënuar rritje prej 53%, më shumë se çdo vend tjetër në Evropë. Kjo dëshmon potencialin e madh të vendit për investime në këtë sektor,” – përfundoi Bayona.