Ministri i Ekonomisë, Blendi Gonxhja, ka njoftuar se do të prezantojë një paketë të re zhvillimi për sektorin e turizmit, me fokus të veçantë në kthimin e emigrantëve në veri të vendit.

“Duke pasur parasysh potencialin e madh të turizmit në Shqipëri, ne do të angazhohemi për përmirësimin e sistemit të transportit ndërqytetës dhe për ndërtimin e një rrjeti më të efektshëm të lidhjeve. Po punojmë gjithashtu për një program të ri për zhvillimin e turizmit malor dhe për zonat e veriut të vendit. Synimi ynë është të përhapim turizmin në të gjithë territorin dhe të gjithë vitin. Po hartojmë një paketë që e quajmë ‘investo në tokën tënde’ për pjesën e veriut, ku do të inkurajojmë kthimin e emigrantëve. Ata do të ofrohen një paketë lehtësish, për të investuar në zonat e largëta të vendit. Kjo do të sjellë një shtytje ekonomike për këto zona, por gjithashtu do të ndihmojë në rikthimin e tyre në vendin tonë,” – tha Gonxhja.