Lulzim Basha ka njoftuar për një reagim të ashprë politik, pas kërkesës së Gazment Bardhit drejtuar Lindita Nikollës, për të anuluar vendimet e marrë nga Lulzim Basha për përjashtimin e disa deputetëve demokratë, përfshirë edhe Sali Berishën, nga grupi demokrat.
Kreu i PD-së ka paralajmëruar kryetaren e Kuvendit se kushdo që merr përsipër të administrojë një kërkesë të tillë po i kundërvihet hapur ligjit dhe përpjekjes mbarëshqiptare dhe ndërkombëtare për të ndërruar kulturën e pandëshkueshmërisë dhe për të luftuar korrupsionin. Basha ka paralajmëruar Nikollën me një ankim në SPAK për shpërdorim detyre. Ai tha se kjo është arsyeja pse Berisha është shpallur non grata.
“Për politikën është e qartë se Edi Rama nuk është i panikuar vetëm nga SPAK, por edhe nga pasojat e një sjelljeje të tillë korruptive dhe ka kërkuar ndihmë nga persona të dënuar për korrupsion të rëndë. Kjo është një betejë që tejkalon interesat e PD-së. Është një problem i shtetit shqiptar dhe i besueshmërisë ndaj partnerëve tanë strategjikë. Tentohet diskreditimi i këtyre partnereve strategjikë. Tentohet goditja e shpresës së shqiptarëve për ndryshim. Personat e shpallur non grata për korrupsion të rëndë nuk mund të jenë pjesë e PD-së.
Paniku i Edi Ramës e ka detyruar të lidhë një aleancë me Sali Berishën dhe mbështetësit e tij. Rama synon të mbajë pushtetin, ndërsa Berisha është i nevojshëm për të bashkuar forcat kundër SPAK. Ne nuk mund ta pranojmë këtë. Çdo person që merr përsipër të administrojë një kërkesë të tillë po i kundërvihet hapur ligjit dhe përpjekjes mbarëshqiptare për të shkulur kulturën e pandëshkueshmërisë dhe për të luftuar korrupsionin.
Lindita Nikolla, kjo është një shkelje minimale e demokracisë dhe një nga arsyet për shpalljen e Berishës non grata. PD do të trajtojë çdo hap të tillë me një seriozitet të madh. Do të kallëzojmë për shpërdorim detyre.
Individë që nuk përfaqësojnë PD-në nuk kanë të drejtë të diktatojnë PD-në. Distancohemi prej tyre që janë shpallur non grata në parlament dhe që janë të pamundur për tu zhvendosur. Çdo person që merr përsipër nga ana e PD-së do të përballen me një reagim të ashprë politik dhe penal.” – tha Basha.
