Një hap të rëndësishëm drejt një angazhimi të rritur në Ballkanin Perëndimor, një projektligj ndërpartiak është miratuar nga Komisioni për Çështje të Jashtme të Senatit amerikan dhe tani do të shqyrtohet nga vetë Senati. Ky projektligj vjen në një moment të tensioneve të përshkallëzuara në rajonin e Kosovës dhe Bosnjë-Hercegovinës. Senatorja Jeanne Shaheen tha: “Sot, Komisioni për Çështje të Jashtme i Senatit amerikan u dërgoi një mesazh shteteve të Ballkanit Perëndimor për një angazhim të ripërtërirë duke prezantuar këtë projektligj ndërpartiak.
E kam shkruar këtë projektligj duke u përqëndruar tek mundësia për të thelluar përkushtimin tonë dhe investimin në rajon përmes forcimit të marrëdhënieve tregtare dhe bashkëpunimit ekonomik, si dhe për të vënë në dukje mjetet që kanë Shtetet e Bashkuara për t’iu përgjigjur ndikimeve negative, korrupsionit, dhe përpjekjeve të tjera për të dëmtuar aspiratat demokratike të rajonit.”

Nëse miratohet në ligj, projektligji do të shndërrojë urdhrat ekzekutivë kundër veprimeve korruptive dhe kundër veprimeve që shkelin marrëveshjen e Dejtonit në Ballkanin Perëndimor. Senatorja Shaheen shtoi:

“Shtetet e Bashkuara nuk do të tolerojnë përpjekjet për të minuar paqen dhe stabilitetin në rajon.” Projektligji synon të forcojë marrëdhëniet tregtare me shtetet e Ballkanit Perëndimor dhe të zgjerojë integrimin ekonomik rajonal në përgjigje të ndikimit rus në rajon. Ai gjithashtu fokusohet në dialogun ndërmjet Kosovës dhe Serbisë, dhe ndihmën për procesin e normalizimit të marrëdhënieve midis tyre.

Gjithashtu, projektligji përmban dispozita për të përkrahur anëtarësimin e vendeve të Ballkanit Perëndimor në Bashkimin Evropian dhe NATO-n, si dhe për të luftuar korrupsionin dhe për të përmirësuar funksionimin e shtetit ligjor dhe reformat demokratike në rajon.