Komisioni i Pavarur i Kualifikimit shkarkoi sot gjyqtarin e Tiranës, Agron Zhukri, për shkak të balancave negative dhe pamundësisë financiare. Zhukri ishte i përfshirë në shqyrtimin e konfliktit të brendshëm të Partisë Demokratike për logon e partisë dhe vulën, duke dhënë të drejtë Sali Berishës dhe grupit të Rithemelimit.

Edhe pse vendimi u rrëzua nga Gjykata e Apelit, procesi gjyqësor për vulën vazhdon. Në seancën e sotme, Zhukri nuk ishte i pranishëm, por u përfaqësua nga djali i tij.

Seanca dëgjimore ka zbuluar pamundësi financiare në familjen e tij për krijimin e pasurive, në shumën prej 93 milionë lekëve. Analiza financiare ka treguar pamundësi në shumën 21 milionë lekë para vitit 2003 dhe 72 milionë lekë për vitet në vijim.