Në një intervistë për mediat, Yulia Navalnaya, gruaja e opozitarit rus Aleksei Navalny, ka paralajmëruar se presidenti Vladimir Putin është i paparashikueshëm dhe mund të vendosë të përdorë armë bërthamore në të ardhmen. Ajo gjithashtu ka folur për arrestimet e fundit të spiunëve të dyshuar rusë në Evropë dhe ka shprehur dëshirën për t’u kthyer në Rusi.

“Ne nuk e dimë se çfarë të presim prej tij, ai ndoshta do ta bënte, për të përdorur armë bërthamore. Askush nuk e priste dy vjet më parë që presidenti rus do të urdhëronte të sulmonte Ukrainën, por ai vendosi ta bënte atë, ai terrorizon njerëzit, i mban ata në gjendje frike, askush nuk e di se çfarë do të bëjë Putini më pas,” paralajmëron ajo.

Ndërsa më pas ka folur për arrestimet e fundit të spiunëve të dyshuar rusë në Evropë.

“Putini nuk ka filluar vetëm, ai e ka bërë gjithmonë këtë. Ai fillon luftërat, vret kundërshtarët e tij. Gjithmonë kam menduar se ka pasur shumë spiun rusë në Evropë”, shton Yulia.

Më në fund, Yulia Navalnaya e cila trashëgoi trashëgiminë e burrit të saj, që vdiq në një burg më 16 shkurt rrëfen dëshirën për t’u kthyer në Rusi një ditë.

“Unë dua të jetoj atje, fëmijët e mi ëndërrojnë të kthehen atje, dua të shkoj te varri i Alexeit, është shumë e rëndësishme për mua dhe shpresoj ta bëj shumë, shumë shpejt, ëndërroj të kthehem në Rusi sa më shpejt të jetë e mundur”, thotë në fund ajo.