Një histori emocionuese vjen nga familja e aktorit të njohur Mirush Kabashi, pasi e bija e tij vendosi të ruajë trashëgiminë e emrit të babait në mënyrë të veçantë.

Mirush Kabashi kishte shprehur dëshirën që djali i vajzes se tij të quhej Isë, në nder të Isa Boletinit, por vdekja e papritur e artistit bëri që e bija të vendosë t’ia vijë emrin Mirush djalit të saj.

E ftuar në studion e “Rudinës”, Mendi, bija e Mirushit, shpjegoi se vendimi për të quajtur djalit e saj Mirush ishte një zgjedhje që përfaqësonte vazhdimësinë e trashëgimisë së babait. Megjithëse dëshira e Mirushit ishte që djali të quhej Isë, Mendi besonte në vazhdimësinë e emrit të babait të saj.

:’Mirush. Është emri… Matias Mirush. Mirush Kabashi, ka edhe mbiemrin. Po të ishte Mirushi akoma mes nesh, unë ndoshta, jo ndoshta, por me siguri do ia vija emrin Isë, por nuk mund t’ia vija Isë në qoftë se… unë besoj në vazhdimësi dhe për mua kjo është vazhdimësia. Im bir është shumë i vogël tani, është një muaj e gjysmë… Nuk e kupton vlerën dhe historinë që mbart me vete ky emër dhe fatin dhe krenarinë që ai do të mbulohet dhe privilegjin që do të ketë me vete.’- tha ajo.