Gazetarja investigative Kamila Xhakaj, e ftuar në një emision televiziv, rrëfeu se në Dubai, përveçse një vend i zhvilluar ekonomikisht dhe turistik, njihet edhe për numrin e lartë të eskortave. Sipas medias zvicerane, numërohen 50 mijë eskorta, prej të cilave 500 janë shqiptare. Xhakaj tha se kryesisht janë vajza të shkolluara të bukura që shoqërohen me biznesmenë. Ajo vuri në dukje se disa prej tyre janë nga showbizi, duke preferuar të jenë të përfolura për jetën e shtrenjtë. Xhakaj theksoi se këto vajza zgjedhin Dubain për të pasuruar jetën e tyre, duke e konsideruar si një vend me më shumë të ardhura dhe më pak kontroll.
“Numri mund të jetë më i lartë, dukë marrë parasysh vajzat që janë larguar, moledet, showbizin e të tjera. Ka raste konkrete, madje dhe këngëtare që shkojnë edhe për karrierë por bëjnë edhe eskortën. Mënyra si shfaqen, udhëtimet që bëjnë atje të lënë të kuptosh që e bëjnë sepse duke marrë parasysh të ardhurat që kanë nuk do e kishin të mundur. Mendoj se zgjedhin Dubain për faktin se ka shumë të ardhura dhe ka më pak kontroll.
Po flasim për vajza shoqëruese biznesmenësh, janë vajza që njihen në Shqipëri, janë shumë të shkolluara, shumë të bukura dhe këto shkojnë për të shitur veten për një jetesë sa më të mirë.
Pra i pëlqen të jenë pjesa më e përfolur e showbizit, veshje, makina, vila të shtrenjta e të tjera”, tha ajo.
