Policia e Shtetit ka njoftuar masat që do të marrë ditën e nesërme në lidhje me protestën e planifikuar nga opozita dhe Aleanca për Mbrojtjen e Teatrit para bashkisë së Tiranës në orën 10:00. Qarkullimi i mjeteve në bulevardin kryesor pranë bashkisë së Tiranës do të bllokohet përkohësisht nga ora 09:45 e në vazhdim. Kërkohet që drejtuesit e mjeteve të gjejnë rrugë alternative, si Unaza e Mesme dhe Unaza e Madhe.

Këto masa janë vendosur pas incidenteve të dhunshme në protestat e mëparshme, ku u hodhën lëndë plasëse molotovë, duke rrezikuar jetën e një punonjësi policie. Policia bën thirrje organizatorëve dhe pjesëmarrësve të shmangen nga çdo akt dhune dhe të respektojnë ligjin. Respektohet plotësisht të drejta e qytetarëve për të organizuar dhe marrë pjesë në tubime paqësore, por është e rëndësishme që të respektohet ligji dhe të distancohen nga çdo akt dhune.