Sipas inteligjencës artificiale, mund të duhet edhe një sulm bërthamor për të ruajtur paqen në botë. Kjo është gjetja e një studimi të kryer nga një ekip studiuesish nga tre universitete amerikane.

Në një simulim për një luftë botërore, katër modele të ndryshme të inteligjencës artificiale u testuan në një softuer të zhvilluar për skenarët e krizave ndërkombëtare. Ndërsa dy prej tyre dolën të ishin paqësore, dy të tjerat shndërruan situatat në konflikte të ashpëra, duke nxitur garën armatimore dhe kërkesa për investime më të mëdha ushtarake.

Ndër ta, GPT-4, një nga versionet më të njohura të softuerit të OpenAI, preferoi përdorimin e armëve për të heshtur një shtet armik, duke e justifikuar si një veprim për paqen botërore.

Megjithatë, autorët e studimit kanë shprehur shqetësimin e tyre për potencialin e këtij lloji të logjikës, duke e krahasuar atë me logjikën e një diktatori gjenocidal.

Ndërkohë, shqyrtimeve të fundit tregojnë se SHBA po eksperimenton me softuer të AI për mbrojtjen, dhe integrimi i tyre me armatimet mund të ndodhë në të ardhmen.

Këto gjetje theksojnë sfidat dhe rreziqet që shoqërojnë futjen e AI në fushën e luftës, duke lënë hapësirë për reflektim dhe diskutim mbi implikimet e mundshme për paqen globale.