Një aksident tragjik ka ndodhur në aksin rrugor “Pogradec-Qafë Thanë”, pranë fshatit Memëlisht, ku një mjet tip Benz është përplasur me një automjet tip “Citroen”, rezultojnë në vdekjen e një 80-vjeçari. Ngjarja ndodhi rreth orës 04:50 të mëngjesit të datës 29 prill 2024.
Automjeti i drejtuar nga shtetasi D. Y., 46 vjeç, u përplas me automjetin e drejtuar nga shtetasi Y. M., 58 vjeç. Si pasojë e përplasjes, përveç vdekjes së 80-vjeçarit F. Z., një person tjetër është dëmtuar. Drejtuesi i automjetit tip “Citroen”, 58-vjeçari Y. M., ndodhet jashtë rrezikut për jetën.
“Më datë 29.04.2024, rreth orës 04:50, në aksin rrugor “Pogradec-Qafë Thanë”, pranë fshatit Memëlisht, automjeti tip “Benz” me drejtues shtetasin D. Y., 46 vjeç, është përplasur me automjetin tip “Citroen” me drejtues shtetasin Y. M., 58 vjeç.
Për pasojë janë dëmtuar drejtuesi i automjetit tip “Citroen” 58-vjeçari Y. M., i cili ndodhet jashtë rrezikut për jetën dhe shtetasi F. Z., 80 vjeç, banues në fshatin Çetë, Devoll, pasagjer në këtë automjet, i cili për pasojë ndërroi jetë”, njofton policia.
Policia ka nisur hetimet për të zbuluar shkakun paraprak të aksidentit, duke dyshuar se kalimi në korsinë tjetër të rrugës, pa mbajtur krahun e duhur të lëvizjes, mund të jetë shkaktari. Veprimet e mëtejshme procedurale janë në vazhdim, ndërsa grupi hetimor po punon për të sqaruar plotësisht rrethanat e ngjarjes.
