Numri i të vdekurve nga sulmet ajrore të forcave izraelite në Rafah, në jug të Gazës, është rritur në 20 duke përfshirë edhe 5 të mitur. Kjo u raportua nga një korrenspondent i Al Jazeera.

Në Rafah, ku mijëra palestinezë të zhvendosur kanë gjetur strehim, një operacion tokësor izraelit është i pashmangshëm, por një marrëveshje e mundshme midis Tel Avivit dhe Hamasit për një amëpushim në këmbim të lirimit të pengjeve mund të shmangë sulmin. Izraeli ka kryer bombardime intensive në jug të Libanit në orët e fundit, në përfundim të një fundjave shkëmbimesh zjarri midis Hezbollahut dhe ushtrisë së shtetit hebre.

Mediat libaneze kanë raportuar sulmet izraelite përgjatë vijës së frontit, veçanërisht në pjesën jugore libaneze të Bint Jbeil, Marjouyoun dhe Tyre.

Gjatë fundjavës, Hezbollahu mori përgjegjësinë për një seri sulmesh ndaj pozicioneve ushtarake izraelite në Galilenë e Epërme në përgjigje të bombardimeve izraelite në Libanin jugor.