Aktori i njohur francez, Gérard Depardieu, është arrestuar nga policia në Paris pasi është akuzuar për ngacmim seksual nga dy gra. 75-vjeçari u paraqit në stacionin e policisë sot dhe po merret në pyetje për këto akuza.

Ngacmimet seksuale dyshohet të kenë ndodhur në sheshe filmash në Paris. Kjo është hera e dytë që Depardieu është nën hetim për akuza të tilla, pasi disa gra kanë paraqitur ankesa kundër tij edhe më herët. Aktori kishte mohuar këto akuza më parë.

Gjatë karrierës së tij, Depardieu është njohur për rolet e tij të shquara në filma si “Green Card”, “The Man in the Iron Mask”, dhe “Life of Pi”. Në vitin 1991, ai u nominua për një çmim Oscar për rolin e tij në “Cyrano de Bergerac”.

Në një kthesë kontroverse në jetën e tij, në vitin 2013, Depardieu fitoi shtetësinë ruse nga presidenti Vladimir Putin pasi kishte shprehur shqetësimet e tij në lidhje me rritjen e taksave në Francë. Ai kishte premtuar të braktiste pasaportën franceze si shenjë proteste ndaj politikës fiskale të vendit të tij.