Ekzekutimi i modeles Landy Párraga në një restorant në qytetin Quevedo të Ekuadorit ka sjellë detaje të reja, duke hedhur dritë mbi një histori që duket të lidhet me botën e krimit të organizuar në vend.

Autoritetet e vendit ende nuk kanë një pistë të qartë në lidhje me shkaqet e ekzekutimit mafioz të saj nga dy persona, por mediat vendase e lidhin emrin e saj me njërin prej narkotrafikantëve më të mëdhenj të vendit, Leandro Norero. Dyshohet se ish-missi kishte një lidhje dashurie me këtë narkotrafikant.

Leandro Antonio Norero Tigua, i njohur me pseudonimin “El Patron”, konsiderohej si një ndër narko-trafikantët më të mëdhenj në vend. Ai u vra në mënyrë makabre gjatë revoltës në një prej burgjeve të vendit në tetor të vitit të shkuar duke iu prerë koka.

Mediat kanë përfolur emrin e tij si personi që porositi vrasjen e një tjetri shqiptari, Ergys Dashit, në Ekuador dy vite më parë. Leandro Norero gjithashtu konsiderohej si financues i tre grupeve kriminale të njohura: “Los Lobos”, “Los Tiguerones” dhe “Los Chones”. Këto grupe kriminale operonin si rivalë të grupit “Los Choneros”.

Kjo histori hedh dritë mbi lidhjet e ngushta midis botës së modës dhe botës së krimit të organizuar, duke shkaktuar shqetësime për sigurinë publike dhe rriturë tensionet në ambientin kriminal në Ekuador.