Gjobat për ndotjen e ajrit dhe e mjedisit nga qytetarët deri tek bizneset do të rriten me 30% sipas katër projektligjeve të miratuara nga Këshilli i Ministrave. Ministria e Mjedisit, Mirela Kumbaro, tha se këto ndryshime synojnë të mbrojnë mjedisin duke ashpërsuar masat ndëshkimore dhe kthyer ato në tituj ekzekutivë. Rritja e gjobave vjen në kontekstin e një rritjeje të turizmit, ku popullsia pritet të rritet me 30-40% këtë vit, duke ngritur shqetësimin për ndotjen e mjedisit. Synimi kryesor i këtyre ndryshimeve është ulja e ndotjes së ajrit dhe mjedisit për të reduktuar rrezikun për shëndetin e njeriut, me synim që brenda vitit 2024 të ulet ndotja në zonat urbane për 40%.

“Ndryshimet e amenduara në mbledhjen e sotme të qeverisë u referohen 4 ligjeve në fushën e mjedisit siç janë ligji “Për Mbrojtjen e Mjedisit”, ligji “Për mbrojtjen e cilësisë së ajrit në mjedisit”, ligji “Për Mbrojtjen e Biodiversitetit” dhe ligji “Për Vlerësimin e Ndikimit në Mjedis. Masat ndëshkimore të parashikuara në këto 4 ligje rriten me 30 për qind, por më e rëndësishmja është që ato kthehen menjëherë në titull ekzekutiv për të ruajtur efektin e tyre ndëshkues, korrektues dhe edukues. Që nga individi më i thjeshtë që ndot natyrën pasi ka bërë një piknik, janë të detyruar të investojnë po aq për të mbrojtur mjedisin dhe cilësinë e ajrit.”