Në seancën e sotme plenare, Kuvendi ka miratuar katër projekte ligjore. Projektligji për ofruesin e shërbimeve të lundrimit ajror “Albcontrol” u miratua me 75 vota pro. Po ashtu, u miratua edhe projektligji për disa shtesa dhe ndryshime në ligjin për planifikimin dhe zhvillimin e territorit me 75 vota pro. Ligji për ratifikimin e Konventës për Marrëveshjet për Zgjedhjen e Gjykatës u miratua me 98 vota pro, ndërsa protokolli për ligjin e zbatueshëm për detyrimet ushqimore u miratua me të njëjtën numër votash pro. Opozita dhe mazhoranca u bashkuan edhe për ligjin për shtetësinë, që u miratua me 94 vota pro. Në vijim, Kuvendi votuan për zgjedhjen e Petrit Ahmetit si kryetar i bordit të Entit Rregullator të Energjisë, ndërsa Maksim Shulin u zgjodh si anëtar i bordit me 74 vota pro.
Kuvendi u përfshi në debate dhe sa i takon tatimit 15% dhe 23% i profesionistëve të lirë, në bazë të fitimit të tyre. Nga foltorja e Kuvendit Jorida Tabaku, kërkoi shpjegime nëse do ju njihen shpenzimet profesionistëve siç parashikon ligji, ndërsa përgjigjen e mori nga socialisti Erion Braçe.
Në fund të seancës me votat e mazhorancës u votuan ligji për “Albcontrol”, ndryshimet në ligjin për zhvillimin e territorit. Me votat edhe të opozitës është miratuar ratifikimi i protokollit për ligjin e zbatueshëm për detyrimet ushqimore si dhe ligji për shtetësinë, pas ritkhimit në Kuvend nga Presidenti. Kuvendi miratoi gjithashtu zgjedhjet e Petrit Ahmetit si kryetar i bordit të Entit Rregullator të Energjisë, si dhe anëtarët Lorenc Kosta dhe Artur Llakaj.
