Shteti i Drejtësisë dhe Autoriteti i Posaçëm i Prokurorisë (SPAK) ka finalizuar hetimet dhe ka dërguar për gjykim tre punonjës të Ujësjellës Kanalizimeve Tiranë (UKT) për akuzat e abuzimit në një tender me vlerë prej 143.618.333 lekësh. SPAK- u ka nisur hetimet për të zbuluar një rast të dyshuar të favorizimit të një kompanie të caktuar duke shkelur kriteret e tenderit.

Tre punonjësit e UKT-së të cilët janë nën hetim, Ledia Ramo, Ortjon Dhami dhe Engjëll Dedja, akuzohen për shkelje të barazisë së pjesëmarrësve në tendera apo ankande publike. Ndërsa biznesmeni Bledar Shemaj përballet me akuza për falsifikim të dokumentave dhe vulave, stampave ose formularëve.

Sipas hetimeve të SPAK, tre punonjësit e UKT-së dyshohet se kanë ndryshuar specifikimet në tender për të favorizuar kompaninë “W Center” sh.p.k., e cila më pas u kualifikua për të fituar tenderin, megjithëse nuk plotësonte kriteret e kërkuara. Ndërkohë, Bledar Shemaj akuzohet për paraqitjen e dokumenteve të rreme dhe për falsifikim në procedurat e prokurimit.

Akuzat e ngritura nga SPAK
-Ledia Ramo, Ortjon Dhami dhe Engjëll Dedja, akuzuar për kryerjen e veprës penale “Shkelja e barazisë së pjesëmarrësve në tendera apo ankande publike”, parashikuar nga neni 258, i Kodit Penal.
-Bledar Shemaj, akuzuar për kryerjen e veprave penale “Falsifikim i dokumentave” dhe “Falsifikim i vulave, i stampave ose i formularëve”, parashikuar nga nenet 186/1 dhe 190/1, të Kodit Penal.