Këngëtarja Teuta Selimi ka denoncuar dy herë brenda 48 orëve në policinë e Kosovës, raportuar bashkëshortin Patrik Neziri dhe vëllain Agron Selimin për dhunë fizike të ushtruar ndaj saj. Pas një konflikti verbal me bashkëshortin, situata u përshkallëzua në një sulm fizik, ndërsa në një ngjarje të veçantë, vëllai i saj dyshohet të ketë sulmuar Teutën pasi ajo denoncoi bashkëshortin. Policia ka ndërmarrë masa hetimore ndaj të dy të akuzuarve. Vëllai i këngëtares është dërguar në paraburgim për 48 orë, ndërsa hetimet vazhdojnë për dyshimet e dhunës në familje.

Rasti i parë u raportua në orët e para të së mërkurës, kur Teuta Selimi, në mëngjes raportoi për dhunë burrin e saj, Patrik Neziri.

Burime brenda Prokurorisë bëjnëme dije se një konflikt verbal mes çiftit dyshohet se shkoi deri në dhunë fizike, i dyshuari e kishte goditur disa herë Teutën në kokë.
Prokurori i Shtetit nuk ka urdhëruar masën e ndalimit policor, duke e liruar Patrik Nezirin në procedurë të rregullt.
Dyshime për dhunë janë edhe për vellain e këngëtares Agron Selimi.
Këngëtarja ka kërkuar ndihmë nga Policia edhe mbrëmë pas mesnate. Teuta Selimi e ka raportuar këtë herë vëllanë e saj, Agron Selimin, për dhunë në familje.
Sipas informacioneve të para, bazuar në dëshminë e saj, i dyshuari e ka sulmuar fizikisht për shkak të një debati lidhur me rastin që e kishte denoncuar një ditë më parë.

Policia është vënë në lëvizje dhe ka marrë në pyetje palët e përfshira në rast dhe më pas është vënë në dijeni edhe Prokurori i Shtetit.
Me vendim të prokurorit, vëllai i këngëtares është dërguar në mbajtje për 48 orë dhe ndaj tij është iniciuar rasti në drejtim të veprës penale “Dhuna në familje”.