Një 49-vjeçar shqiptar është arrestuar në Milano, Itali pasi dyshohet për vrasje të mbetur në tentativë, grabitje dhe armëmbajtje pa leje.

Fillimisht ai ka grabitur një lokal më 4 maj në Via Costantino Baroni. Sipas mediave italiane, i dyshuari ka qëlluar disa herë në drejtim të derës hyrëse të lokalit, duke plagosur pronarin. Pas grabitjes, ai ka arritur të arratiset duke marrë me vete një shumë prej rreth 15 mijë eurosh.

Më 6 maj, shqiptari i armatosur ka tentuar të grabiste një dyqan ushqimor, por nuk ka arritur të realizojë qëllimin. Pas hetimeve, autoritetet arrestuan të dyshuarin ditën e enjte (9 maj).

Gjatë kontrollit të kryer, policia zbuloi se ai kishte armë dhe municione të fshehura brenda dy pakove, si dhe veshje që i përdorte gjatë grabitjeve.