Një automjet tip “Fiat” është përfshirë nga flakët këtë mesditë në rrugën Miço Plaka në lagjen Kastriot të Fierit.

Shkak për zjarrin ishte një shkëndijë elektrike në pjesën e motorit të mjetit. Drejtuesi i automjetit, pasi pa tymin, ndaloi menjëherë. Zjarrfikësit mbërritën në vendngjarje dhe arritën të shuajnë flakët. Në vendin e ngjarjes ndodheshin edhe policia dhe grupi i ekspertëve. Për disa minuta, qarkullimi i mjeteve u bllokua, duke krijuar radhë të gjata automjetesh.

Fatmirësisht, zjarri në automjet shkaktoi vetëm dëme materiale.