Një aksident është regjistruar pasditen e kësaj të shtune në aksin rrugor Gramsh-Kuçovë, ku kanë mbetur të plagosur katër persona. Sipas njoftimit të policisë, shkak i aksidentit është bërë humbja e kontrollit nga drejtuesi i mjetit, 27-vjeçari me inicialet M.K., banues në Tiranë.

Shoferi po udhëtonte së bashku me tre persona të tjerë kur automjeti ka dalë nga rruga. Të plagosurit, përfshirë drejtuesin e mjetit dhe tre pasagjerët, janë transportuar menjëherë në spitalin Rajonal të Elbasanit dhe ndodhen nën kujdesin e mjekëve. Fatmirësisht, ata janë jashtë rrezikut për jetën.

Njoftimi i Policisë

“Në aksin rrugor ‘Gramsh-Kuçovë’, ditën e djeshme, 27-vjeçari M.K., banues në Tiranë, dyshohet se për shkak të humbjes së kontrollit, automjeti që ky shtetas drejtonte ka dalë nga rruga. Si pasojë, janë dëmtuar drejtuesi i automjetit dhe tre pasagjerë në të, të cilët janë jashtë rrezikut për jetën.”

Policia po punon për të zbardhur rrethanat e plota të aksidentit.