Mbrëmja e djeshme ka qenë plot dinamika dhe situata të nxehta për banorët finalistë të Big Brother VIP Albania 3 (BBV3). Debatet e shumta lidhur me situatat e kaluara dhe akuzat ndaj njëri-tjetrit për aleanca, si dhe ofendimet, nuk kanë munguar në bisedë.

Një debat i zhvilluar mes Meritoni dhe Eglës ka nxitur shumë reagime. Meritoni dhe Egla janë dy nga pesë finalistët e edicionit të tretë të BBV. Pak më herët, Egla ishte shprehur se Meritoni e meriton të shkojë në finale, pasi ai ka pasur shumë aktivitet në shtëpi. Megjithatë, mbrëmjen e djeshme, ajo ka reaguar në mënyrë krejtësisht ndryshe duke i thënë se ai nuk e meriton të ishte aty ku ishte.

“Se mendoj o Meriton që duhet të jesh këtu ku je, po je dhe s’varet nga mua kështu që gëzuar. Se s’të mbaj unë as të votoj unë, je në fokus s’është gjë personale mos të mbetet qejfi kot. Mbërrite deri këtu, je shumë narçist. Të pëlqen shumë vetja, je i fokusuar te vetja, lëshohu o vëlla pak,” tha Egla.

Debati mes dy finalistëve ka shtuar tensionin në shtëpi, duke i lënë banorët dhe shikuesit në pritje të zhvillimeve të mëtejshme.