Dy familje në Durrës kanë raportuar zhdukjen e të afërmve të tyre. Sipas njoftimit të policisë, një 39-vjeçare ka denoncuar zhdukjen e bashkëshortit të saj, një 42-vjeçar që është larguar nga banesa që nga data 17 maj. Po ashtu, është denoncuar edhe zhdukja e një 14-vjeçareje, pasi babai i saj ka raportuar se vajza është larguar nga banesa më 17 maj.
Ndërkohë, policia në Durrës ka arrestuar një 23-vjeçar për dhunë ndaj bashkëshortes së tij.
**Njoftimi i Plotë:**
Drejtoria Vendore e Policisë Durrës ka raportuar këto ngjarje:
– Stacioni i Policisë Plazh arrestoi në flagrancë shtetasin V. K., 23 vjeç, banues në Durrës, për dhunë ndaj bashkëshortes së tij.
– Stacioni i Policisë Manzë arrestoi në flagrancë shtetasin G. H., 25 vjeç, banues në fshatin Perlat, pasi gjatë një kontrolli fizik, policia i gjeti dhe i sekuestruan një mjet prerës (thikë).
– Më datë 18.05.2024, në Komisariatin e Policisë Durrës, shtetasja A. H., 39 vjeçe, ka raportuar zhdukjen e bashkëshortit të saj, shtetasin A. H., 43 vjeç, që nga data 17.05.2024.
– Më datë 18.05.2024, në Komisariatin e Policisë Durrës, shtetasi Gj. Xh., 52 vjeç, ka raportuar zhdukjen e vajzës së tij, shtetasja R. Gj., 14 vjeçe, që nga data 17.05.2024.
Policia po punon për gjetjen e të dy personave të zhdukur. Materialet procedurale i janë dorëzuar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
