Një ngjarje e rëndë ka ndodhur në Tiranë, ku një 20-vjeçar është marrë peng dhe dhunuar nga disa persona.
Policia ka njoftuar se ngjarja e rëndë ka ndodhur sot në sheshin “Skënderbej”, ku i riu është rrëmbyer nga Denis Baxhaku, bashkë me Ermand Hoxhën dhe Teo Kolemiçon, pasi ka dalë 10 mln lekë minus nga xhiroja në kioskën ku punonte si shitës. Ata e kanë mbajtur peng për disa orë dhe e kanë dhunuar brutalisht.
Baxhaku dhe Hoxha janë arrestuar, teksa në pranga ka rënë dhe një 20-vjeçar i cili kishte dijeni për ngjarjen, por nuk e raportoi. Nga ana tjetër, vijojnë kërkimet për kapjen e Teo Kolemiço.
Specialistët për Hetimin e Krimeve të Komisariatit të Policisë Nr. 1, pas kallëzimit të marrë ditën e sotme nga një 20-vjeçar, se 3 shtetas i kishin hequr lirinë dhe kishin ushtruar dhunë ndaj tij, menjëherë kanë organizuar punën për kapjen e tyre.
– u arrestuan shtetasit D. B., 36 vjeç, dhe E. H., 31 vjeç, dhe u shpall në kërkim shtetasi H. P., 19 vjeç, për veprën penale “Heqja e paligjshme e lirisë”;
– u arrestua shtetasi T. K., 28 vjeç, për veprën penale “Moskallëzimi i krimit”.
Shtetasit D. B., E. H. dhe H. P., dyshohet se për motive të dobëta, kanë marrë me forcë në sheshin “Skënderbej”, një 20-vjeçar, ndaj të cilit kanë ushtruar dhunë në mënyrë të vazhdueshme, ndërsa shtetasi T. K. ka patur dijeni për ngjarjen, por nuk e ka kallëzuar atë në Polici.
Dashi (21 Mars – 19 Prill)
Renditja e planetëve frymëzon këndvështrime të reja lidhur me një projekt. Në çfarëdo faze të jeni, përpjekjet tuaja... 
