Shqipëria po bëhet gjithmonë e më shumë një destinacion i preferuar për turistët nga e gjithë bota që zgjedhin të kalojnë pushimet këtu. Megjithatë, çdo turist i shijon pushimet në mënyrën e tij dhe kështu ka bërë një prej tyre në Durrës. Ai është parë duke shëtitur nudo në rrugët e qytetit bregdetar, i pashqetësuar aspak për pamjen e tij.

Turisti është vërejtur nga qytetarët teksa fotografonte xhaminë dhe objekte të tjera të qytetit. Kjo sjellje e pazakontë ka shkaktuar shqetësim tek banorët, të cilët menjëherë bënë ankesa pranë autoriteteve lokale.

Pas marrjes së ankesave, policia ka ndërhyrë dhe ka shoqëruar turistin në komisariat. Ngjarja ka nxitur reagime të ndryshme nga qytetarët dhe ka hapur diskutime për respektimin e normave të sjelljes publike nga turistët që vizitojnë Shqipërinë.

Ky incident tregon edhe njëherë rëndësinë e respektimit të kulturës dhe normave të vendit mikpritës, pavarësisht se turistët mund të kenë qëllime të ndryshme për të shijuar pushimet e tyre.