###

Personat që shihni në foton e mësipërme janë dy efektivët Henerigert Mitri dhe Klodian Shahini, të cilët janë përjashtuar nga strukturat e Policisë së Shtetit pasi rezultojnë të kenë bashkëpunuar me grupe kriminale.

Burime bëjnë me dije se dy efektivët kanë bashkëpunuar me anëtarët e grupeve kriminale në Lezhë dhe Fushë Krujë për të drejtuar dhe organizuar kultivimin e lëndëve narkotike dhe të lojërave të fatit. Gjithashtu, mësohet se dy zyrtarët e policisë kanë bashkëpunuar me vëllain dhe kushëririn e deputetit Eduard Ndreca, Armando dhe Elvis Ndreca, duke i favorizuar në kultivimin e bimëve narkotike në zonën e Kashnjetit.

Veprimtaria e tyre është zbuluar nga zbardhja e komunikimeve në Sky ECC, në kuadër të një operacioni të SPAK, në të cilin u lëshuan 50 urdhër-arreste. Gjykata ka caktuar masën e sigurisë “Arrest me burg” për dy efektivët.