Ngjarja në Malësinë e Madhe ka shkaktuar tronditje në zonë. Policia raporton se një lëndë plasëse është hedhur në afërsi të lokalit të një shtetasi në fshatin Razëm, duke shkaktuar dëme materiale. Grupi hetimor është aktiv për të identifikuar dhe kapur autorin ose autorët e kësaj ngjarjeje. Qytetarët e zonës janë në ndjekje të ngjarjeve për të marrë informacione të reja.

Pronari i këtij biznesi, i cili ka pasur vetëm dëme materiale tek pjesa e reklamës është Fredi Sterkaj, emër i njohur në Malesinë e Madhe.

I angazhuar prej vitesh në politike, Sterkaj u zgjodh tre ditë më parë kryetar i Rithemelimit në degën e Malësisë së Madhe, ne një proces ku 4 kandidatet e tjerë u terhoqen nga gara.Sipas Sterkajt, shpërthimi nuk ka lidhje me pronën e tij dhe me familjen e tij. Parkingu është i fshatit turistik të Razmës dhe aty parkojnë, të gjithë, thotë Sterkaj

“Rreth orës 08:50, në fshatin Razëm, dyshohet se është hedhur lëndë plasëse tek reklama, në afërsi të lokalit të shtetasit F. S. Si pasojë e shpërthimit të saj janë shkaktuar vetëm dëme materiale.Grupi hetimor po kryen veprimet në vendngjarje, për sigurimin e provave, me qëllim identifikimin dhe kapjen e autorit/ve”, thuhet në njoftimin e policisë.