Petrit Alijaj, 23-vjeç, është kthyer në një hero për të dashurën e tij, pasi u hodh mbi të për ta mbrojtur nga një sulm me benzinë. Ngjarja ndodhi pranë një stacioni treni në New York, kur një manjak i çmendur i hodhi benzinë të dashurës së tij dhe tentoi ta digjte.

Në përpjekje për ta mbrojtur, Petriti u hodh mbi të, duke marrë zjarr këmisha e tij. Ai e shqeu këmishën me forcë, por pësoi djegie të mëdha në një pjesë të trupit. Fotot tregojnë plagët e tij të rënda. Policia arriti në vendngjarje dhe arrestoi autorin, motivet e të cilit mbeten ende të paqarta.

Gazetarët e New York Post vizituan Petritin në spital, ku ai shfaqet i fashuar pothuajse i gjithi dhe mjekët kanë konfirmuar djegie në 30% të trupit të tij. Pavarësisht kësaj, 23-vjeçari shqiptar mbetet optimist dhe shprehet se veprimi i tij ia vlen për të mbrojtur një person që e dashuron.