Zëdhënësja e Rithemelimit, Floriana Garo, ka reaguar fuqishëm pas dhunimit të avokatit Sokol Mëngjesi, i njohur edhe si avokati i Sali Berishës. Në një deklaratë për mediat, Garo ka akuzuar kryeministrin Edi Rama për organizimin e sulmit, duke e cilësuar atë një akt kriminal dhe hakmarrje të verbër ndaj Mëngjesit.

Garo theksoi:

Sipas Garo, tre banditë, të urdhëruar nga Edi Rama, sulmuan dhe goditën Mëngjesin me leva në kokë në qendër të Tiranës. Ajo theksoi se kjo dhunë është një përpjekje për të frikësuar ata që kërkojnë të zbulojnë të vërtetën dhe për të fshehur krimet politike të Ramës.

“Duke e goditur me banditë, me urdhër të tij direkt profesor Mëngjesin, dhe duke i shkaktuar atij lëndime të rënda, Edi Rama dëshmon frikën dhe panikun që përjeton nga aktet e tij politike kriminale. Ai beson se me dhunë do mund të frikësojë zërin e të vërtetës dhe fshehë krimet e tij politike,” tha Garo, duke dënuar ashpër sulmin dhe duke deklaruar se Edi Rama do të mbahet përgjegjës personalisht për këtë akt kriminal.