Avokati Sokol Mëngjesi, një figurë e njohur në fushën e drejtësisë, u sulmua brutalisht në ish-Bllok, ndërsa sapo kishte lënë fëmijën në kopsht.

Mëngjesi, i diplomuar në Fakultetin e Drejtësisë Democritus në Greqi në vitin 2004 dhe i cili ka vazhduar studimet në nivel master dhe doksoral në të Drejtën Penale dhe Kriminalistikë, ka qenë pedagog në universitetin ku ka mbaruar studimet e tij.

Ai ka qenë gjithashtu dekan në Fakultetin e Drejtësisë në Universitetin e Tiranës dhe tani është pedagog në Departamentin e së Drejtës Penale.

Nga viti 2009, Mëngjesi ka qenë avokat me licencë nga Dhoma Kombëtare e Avokatisë Shqipëri dhe ka punuar në disa raste të njohura si mbrojtës i personaliteteve publike si ish-kryeministri Sali Berisha, Mirel Mërtiri dhe Klodian Zoto në çështjen e inceneratorit të Tiranës.

Sulmi ndaj tij ka shkaktuar shqetësim në opinion dhe është përcaktuar si një akt i dhunshëm kundër një figure të njohur të drejtësisë në Shqipëri.