Kreu i Avokatëve Penalist, Saimir Vishaj, mbajti një prononcim për mediat pranë ambienteve të SPAK, duke shprehur indinjatën dhe shqetësimin për aktin e dhunshëm ndaj avokat Sokol Mëngjesit në kryeqytet.

Vishaj e vlerësoi Mëngjesin si një prej avokatëve më të mirë në sistemin e drejtësisë shqiptare dhe tha se dhuna ndaj tij përfaqëson një sulm ndaj shtetit: “‘Kur preket një avokat preket shteti. Ashtu sikurse kur preket një punonjës policie të gjithë duhet të ngrihen në këmbë, për një shërbim si avokatia. Pa avokati nuk ka drejtësi.”

Në këtë kontekst, ai bëri thirrje për një reagim të fortë të institucioneve shtetërore për të garantuar sigurinë dhe mbrojtjen e avokatëve: “Kemi një heshtje të organeve mbase mbajnë sytë tek qielli. U them pjesëtarëve të institucioneve shtetërore të luten bashkë me ne që shoku jonë të dalë nga koma. Kanë dashur të vrasin një nga avokatët më të mirë që ka pasur sistemi i drejtësisë.”

Kjo reagim i fortë nga Kreu i Avokatëve Penalist shpreh solidaritetin dhe përkushtimin e komunitetit të avokatëve për mbrojtjen e të drejtave dhe sigurisë së tyre, duke theksuar se ata luajnë një rol të rëndësishëm në sigurimin e drejtësisë dhe ligjit në vend.