Sot, policia e shtetit ka ndërhyrë në katër raste të kultivimit të kanabisit nëpër vend. Këto raste shquhen për faktin se parcelat e kultivimit janë të vendosura mes të tjera, duke e bërë identifikimin e tyre të vështirë.

Në Krujë, një 24-vjeçar është shpallur në kërkim për veprën penale “Kultivimi i bimëve narkotike”. Në fshatin Mafsheq të Krujës u zbuluan dy ambiente të përshtatura për kultivim të kanabisit, të vendosura mes parcelave të perimeve. Policia sekuestrroi 28 bimë kanabisi të mbjella dhe 116 fidanë të dyshuar narkotikë, gati për t’u mbjellë, në cilësinë e provës materiale.

Në Vlorë, një babë e bir u arrestuan për kultivim të kanabisit. Parcela me 135 bimë kanabis u gjet në fshatin Rromës, në vendin e quajtur “Përroi i njomë”.

Në Shkodër, policia zbuloi parcela me kanabis në Postribë, ku u gjetën dhe asgjësuan 2946 bimë narkotike dhe 1385 fidanë në kubikë. Kryetari i njësisë administrative po hetohet në gjendje të lirë.

Ndërsa në Velipojë, në fshatin Baks, u arrestua një 43-vjeçar pasi u gjetën dhe asgjësuan 290 bimë kanabisi.

Këto operacione janë pjesë e operacionit të koduar “Territori i Pastër”.