Në Episodin e 19-të të Sezonit të 3-të të podkastit “Flasim” të kryeministrit Edi Rama, i titulluar “Smart Generation”, u zhvillua një bisedë me Kevin Sekniqi, një prej nën 30-vjeçarëve të renditur nga revista “Forbes” në listën e të rinjve më të suksesshëm në botën financiare. Sekniqi, një figurë kyçe në zhvillimin e teknologjisë në Ava Labs dhe block-chain-it të Avalanch-it, diskutoi për rrugëtimin e tij dhe marrëdhënien me Shqipërinë.
Kevin Sekniqi: Një Udhëtim i Jashtëzakonshëm

Kevin Sekniqi, i cili ka lindur në Mal të Zi në vitin 1993 nga prindër me origjinë nga Shkodra, ndau historinë e tij të jetës dhe karrierës. Ai u shpreh se renditja në revistën “Forbes” ishte një surprizë edhe për të vetë. Sekniqi përmendi se pas intervistës dhe përfshirjes së tij në këtë listë prestigjioze, e cilësoi këtë si një fillim të historisë së tij në botën e teknologjisë dhe financës.

Rruga Drejt Suksesit

Kam pas ëndrrën e Bill Gates, ka qenë idhulli im që i vogël dhe rastësisht na erdhi të shkojmë në Amerikë kur isha 14 vjeç për një dasëm. Pashe Nju Jorkun dhe tha po jetoj këtu”, tregoi Sekniqi.

“Më pas ndejta në Nju Jork 10 vite pak më shumë bëra gjimnazin, Universitetin, doktoraturën dhe aty më vonë u takova me bashkëpunëtorin tim dhe vazhduam të bëjmë projektin e teknologjisë që kemi tek kompania”.

Marrëdhëniet me Shqipërinë

“Tirana është një qytet që është zhvilluar jashtëzakonisht shumë. Nuk ma ka marrë mendja. Normalisht ëhstë qyteti që është zhvilluar më shumë. ka kohë që nuk kam shkuar në jug. Në Shkodër kam shkuar dhe Shkodra duhet të eci s’e nuk ka ecur aq shumë sa duhet”, tha Sekniqi.

Sekniqi përmendi se kishte ëndërruar të krijonte një start-up që në fëmijëri, duke pasur si idhull Bill Gates. Për të rinjtë shqiptarë, historia e tij është një shembull frymëzues i suksesit që mund të arrihet me vendosmëri dhe punë të palodhur, pavarësisht nga prejardhja apo sfidat e jetës.