Kryeministri Edi Rama ka bërë të ditur se ka refuzuar kërkesa nga vende të tjera për të nënshkruar marrëveshje për ngritjen e qendrave të emigrantëve. Ai e konsideroi të pakuptimtë që të pranojë një marrëveshje të ngjashme me Britaninë e Madhe, duke ripërsëritur arsyet e vendimit për pranimin e një marrëveshjeje me Italinë.

Në lidhje me propozimet për të ngritur qendra pritjeje për emigrantë në Kosovë, Kryeministri mohoi kërkesat e tilla, por u shpreh se ishte në dijeni të bisedimeve që kishte nisur mes Qeverisë së Kosovës dhe asaj të Danimarkës, megjithatë nuk kishte informacion mbi zhvillimet e fundit të këtyre bisedimeve.

Gjithashtu, Kryeministri u pyet lidhur me çështjen e Bechettit dhe vendimin e Gjykatës Ndërkombëtare për të cilin Shqipëria nuk pranon të paguajë 135 milionë euro. Rama e cilësoi Bechettin si një kriminel, duke përmendur edhe procesin gjyqësor në Belgjikë, por refuzoi të japë më shumë detaje për shkak të statusit të çështjes në gjykim.

Në pyetjen se si do të ndiheshin nëse emigrantët shqiptarë do të shkonin në vende si Tunizia apo Egjipti, Rama tha se nuk është e njëjta situatë dhe shtoi se kjo çështje kërkon një qasje të përbashkët nga të gjitha forcat politike. Ai gjithashtu shtoi se Shqipëria nuk mund të zgjidhë vetëm këtë problem dhe nevojitet një përpjekje e përbashkët për të gjetur zgjidhje.